Gizakia Fundazioak Arizmendiarrieta 2025 Kudeaketa Saria jaso du
Sariak egindako lanari eta pertsonetan oinarritutako eredu batetik, haien parte-hartzean eta gardentasunean oinarritutako ahaleginari aitortza egiten dio, konfiantzan eta lankidetzan oinarritutako harremanak eraikitzeko
Apirilaren 7an, astelehenean, Gizakiak Arizmendiarrieta Fundazioaren 2025 Kudeaketa Saria jaso du Deustuko Unibertsitateko CRAIn, irabazi-asmorik gabeko erakundeen kategorian. Ekitaldian, besteak beste, Fundazioaren presidente Juan Manuel Sinde, Deustuko Unibertsitateko errektore Juan José Etxeberria, Bilboko alkate Juan Mari Aburto eta DFB/BFAko Ekonomia Sustapeneko diputatu Ainara Basurko izan ziren.
Arizmendiarrieta Sariak MIPE (Enpresa Parte-hartzaile Inklusiboaren Eredua) eta Euskalit-en Kudeaketa Aurreratuaren Eredua aplikatzen dituzten erakundeak aitortzen ditu.
Gizakiaren kasuan, epaimahaiak nabarmendu du Bizkaian adikzioen arloan erreferente den erakundea dela, Euskalit-en Kudeaketa Aurreratuaren Eredua aplikatzen duena, eta horren bidez, bere balioak garatzen dituztela, bereziki:
- Gardentasuna eta bere jarduera eta prozesuen komunikazioa nabarmentzen direlarik, bai barnean bai kanpoan.
- Profesionalen kolektiboaren parte-hartzea baloratu da, bai estrategiaren definizioan, bai martxan dituzten prozesu ugarien eguneroko operatiboan.
|
Gizakia Fundazioak 40 urte daramatza Bizkaian adikzio arazoak dituzten pertsonen alde lanean, gazteen arrisku-jokabideen prebentzioan eta kolektibo zaurgarrien gizarteratzean. 75 profesional baino gehiagoko eta 56 boluntarioko talde bat du, eta 24 programa garatzen dituzte adikzioak, nerabezaroa eta laneratzea arloetan. 024an 5150 pertsona artatu ziren, 1861 adikzioen arloan, 535 nerabe eta familien arloan, 1152 laneratzean eta gainerakoak sentsibilizazio jardueretan. Gizakia pertsonen zuzeneko esku-hartzean espezialista da, arreta integrala eskaintzen duten programak eskainiz, beste erakunde sozialekin eta osasun, enplegu eta gizarte zerbitzuen sare publikoekin sarean lan egiten duten talde espezializatu multidiziplinarrekin, pertsonak gizarteratze prozesuetan laguntzeko.
|  |
"Sari hau, Gizakiako talde osoarentzat, egindako lanari eta ibilbideari aitortza bat da. Ahaleginak egiten jarraitzera eta erabiltzaileekin eta boluntarioekin batera lan egitera animatzen gaitu, sufrimendu egoerak zentzuzko bizitza proiektu bihurtzeko, etorkizunarekin, komunitatean erabat integratuta"
J. M. Arizmendiarrietak beti aldarrikatu zituen balio humanistak eta lankidetzakoak dira gure proiektuaren oinarriak, 1985ean, Proyecto Hombre Bizkaia martxan jarri genuenetik, pertsona talde batekin, boluntarioekin eta sufritzen dutenen alde lan egiteko nahiarekin (garai hartan, adikzioengatik). "Pertsonak, parte-hartzea eta kudeaketaren eta egiten dugunaren komunikazioaren gardentasuna dira Fundazioaren balio nagusiak. Horregatik, kalitate ereduak, erakundeak balioa eman dezaketen eta eman behar duten entitate gisa ulertzen dituztenak (erabiltzaileak, profesionalak, boluntarioak, finantzatzaileak, gizartea...), gure filosofiara guztiz egokitzen dira. Gizakiaren helburua gure misioari leial izatea dela ez ahazten laguntzen digute. Misio horretan, erabiltzaileen, profesionalen eta boluntarioen arreta eta entzutea, gizarte elkartasunaren adierazpen gisa, erdigunean egon behar du, gure ekintzak orientatzeko". | 
|
Gure eskerrik beroenak Arizmendiarrieta Fundazioari aitortza honengatik, eguneroko erronkei animo gehiagorekin aurre egiten laguntzen baitigu: gure programetara etortzen diren pertsonen arazoak, lan egiten dugun kolektiboen estigmatizazioa (adikzioak, pertsona migratzaileak) eta detektatutako beharrei erantzuteko baliabide nahikorik ez izatea.
